Lò Consei
Constituchonau l’at decidâ lò 15 de juin de 1999 que la Charta Europeana
des Lengues Regionales e Minoritêres du Consei d’Euròpa la fêsêve contra
la Constituchon francêse.
Adon :
Maugrâ
l'arquèta democratìca, bravamen esprimâ dens los terroèrs e les comunitats
concernax,
sotenuva pel avis publìc dens tòta la France (82 % des gens d’acord avuec
la rateficachon dla Charta),
Maugrâ lò
perily certan de disparichon
complèta, dens mês o mens long tens, de tòtes les coltures minoritêres sul terroèr
francês,
Maugrâ la fauta emperiôsa de
balyer de drêts e de meiens per vuarantir la
perenitat e l’epaniment aus nombrôses lengues e coltures que son pratiquex
en France,
Maugrâ la sofrence de tos los
persones, comunitats e puèplos que vivun la
perda dl’identitat còm n’enjustèce ensuportabla,
Maugrâ la vigôr
colturala, economìca e socièla que s'esprime a partir d'identitats
rechlamex sens vergogne e sens chauvenismo, dens l'echandzo e lò partadzo,
Maugrâ la construtzion europeana que la place au
côr des libertats
fondamentales dl'Union lò respecto des diferances colturales, comen que di a
present sa devisa : "Unitat dens la Diversitat".
L'Etâ francês
arfuse de ratefiar la Charta Europeana des Lengues Regionales e Minoritêres
que l’at pertant signè lò 7 de mê de 1999 a Budapesto.
Cèl arfusance, decidâ
per la contrenta de na constituchon qu’èt bravamen depassâ per les
evoluchons europeanes, se puet pas atzeptar. È fê contra lò prencìp mèm
de democracia en arneiant la volontat populara. Ses consequences se fan sentir
pertot : empegement des ecòles bilengues, niona lenga regionala dans les
radios e les televisions du servitz publìc, mort des pratìques colturales.
Per enversar ceta situachon que ses consequences son irreversibles, nos fau emorger.
Lò dessen èt chlar :
que la France
changesse sa Constituchon,
que la ratefiesse la Charta europeana des lengues regionales e
minoritêres,
que la botesse en place de poletìques ajustex e
eficaces, comen que s’èt
fêt dens los autros pâis d’Euròpa, per vuarantir enfin l'arbiolance des
lengues e coltures que son presentes sur son terroèr.
La mòda que nos
proposens per cèla emorjance l’èt d'arcolyir de " çhècs-petichons " de na soma simbolìca de 10
francs.
Per o fêr, n’associachon fu creâ : Per fêr vivre nòtres lengues.
De diesenes de miliers d'entre nos, e mèm mês encòra, è puèvun rapondre a
çt’apel. Mês nos serens, mês nòtrun pês serat grant per aduir los elus,
d’a present e d’avenir, a fêr fin finala les reformes que fau.
Grant marci de sotenir
cèla emorjance fondâ sur los prencìps que son a la doex dla via democratìca
: citaïenetat, responsablitat e determinachon.